امریکی سنٹرل کمانڈ (سینٹکام) نے دعویٰ کیا ہے کہ امریکی نیوی نے ایرانی پرچم والے جہاز کو کامیابی کے ساتھ ایرانی بندرگاہ میں داخل ہونے سے روک دیا۔

میڈیا رپورٹس کے مطابق سینٹکام نے کہا کہ یہ کارروائی امریکا کی جانب سے ایرانی بندرگاہوں کی جاری ناکہ بندی کا حصہ ہے۔

رپورٹس میں بتایا گیا ہے کہ ایرانی جہاز نے بار بار وارننگ کے باوجود ایرانی بندرگاہ کی طرف جانے کی کوشش کی جس پر امریکی نیوی نے مداخلت کی اور جہاز کو عملے کے معائنہ اور تفتیش کے لیے روک دیا۔

جوائنٹ چیفس آف اسٹاف کے چیئرمین جنرل ڈین کین نے کہا کہ امریکی افواج ایران اور اس سے آنے والے تمام مشکوک جہازوں کی کڑی نگرانی جاری رکھے ہوئے ہیں۔

انہوں نے مزید کہا کہ پابندی کا اطلاق تمام جہازوں پر کیا جا رہا ہے، قطع نظر قومیت کے۔ انہوں نے اس بات کی تصدیق کی کہ امریکی فوج مکمل تعمیل کو یقینی بنانے کے لیے اضافی رکاوٹوں کی کارروائیاں کرنے کے لیے تیار ہے۔