میٹا کی جانب سے انسٹا گرام اور فیس بک کے لیے ایک نئے فیچر سیریز کی آزمائش کی جا رہی ہے۔

یہ نیا فیچر فیس بک اور انسٹا گرام میں ریلز ویڈیوز کے مواد کو کسی ٹی وی سیریل کی طرح مرتب کرنے میں مدد فراہم کرے گا۔

کمپنی کی جانب سے تصدیق کی گئی ہے کہ اس فیچر کی آزمائش محدود صارفین میں کی جا رہی ہے۔

اس فیچر سے صارفین اپنی پروفائل میں ایک مختص ہب میں اپنی ہر ریل کو کسی بڑی کہانی کی ایک قسط میں تبدیل کرسکیں گے۔یہ نیا فیچر فیس بک اور انسٹا گرام میں ریلز ویڈیوز کے مواد کو کسی ٹی وی سیریل کی طرح مرتب کرنے میں مدد فراہم کرے گا۔

کمپنی کی جانب سے تصدیق کی گئی ہے کہ اس فیچر کی آزمائش محدود صارفین میں کی جا رہی ہے۔

اس فیچر سے صارفین اپنی پروفائل میں ایک مختص ہب میں اپنی ہر ریل کو کسی بڑی کہانی کی ایک قسط میں تبدیل کرسکیں گے۔سیریز فیچر کے ذریعے صارفین اپنی ریلز کو کسی ڈرامہ سیریز کی طرح اقساط میں جاری کرکے دیگر افراد کو زیادہ انگیج کر سکیں گے۔

میٹا کے مطابق مستقبل میں اس نئے فیچر سے صارفین کو کمانے کا موقع بھی فراہم کیا جاسکتا ہے مگر اس حوالے سے فی الحال تفصیلات شیئر نہیں کی گئیں۔

ٹک ٹاک میں اس طرح کا فیچر 2023 میں متعارف کرایا گیا تھا جس میں صارفین اپنے پریمیئم مواد کو پوسٹ کرسکتے ہیں اور ان ویڈیوز تک رسائی فیس کی ادائیگی سے ہی ممکن ہوتی ہے۔

ایسا ممکن ہے کہ میٹا کی جانب سے بھی مستقبل میں سیریز فیچر کے لیے یہی حکمت عملی اپنائی جائے۔

میٹا کی جانب سے بتایا گیا کہ اب تک اس فیچر پر لوگوں کا ردعمل اچھا رہا ہے اور لوگوں کی جانب سے کسی موضوع کے بارے میں مختلف اقساط میں ویڈیوز تیار کی جا رہی ہیں۔

جب کسی صارف کو ریلز ٹیب یا فیڈ میں اسکرولنگ کے دوران کسی سیریز کی اقساط نظر آتی ہیں تو وہاں مکمل سیریز کو دیکھنے کا آپشن بھی موجود ہوتا ہے۔

صارفین اس سیریز کو بعد میں دیکھنے کے لیے محفوظ بھی کرسکتے ہیں۔

جیسا اوپر درج کیا جاچکا ہے کہ یہ فیچر ابھی محدود صارفین کو دستیاب ہے، تو یہ کہنا مشکل ہے کہ اسے کب تک تمام صارفین کے لیے متعارف کرایا جاسکتا ہے۔